Қаз Рус

Тауарға демпингті қалай қосуға болады?

Демпинг тауар бағасын сіз белгілеген шекараларда автоматты түрде өзгертеді.

Бастамас бұрын:

  1. Дүкен Kaskyr-ге қосылған.
  2. Тауар Kaspi-де сатылымда.

1. Тауарлар тізімін ашыңыз

Қала бірнешеу болса, тауарлар кестесінің үстіндегі қалалар тізімінен қажеттісін таңдаңыз.

«Біздің магазин» тауарларының тізімі: «Тауарлар» бөлімі мен «Дәмпинг» қойындысы белгіленген, Алматы қаласы таңдалған.
Үлкейту үшін скриншотты басыңыз.

2. Тауарды табыңыз

Іздеу жолына тауар атауын немесе артикулын енгізіңіз.

Іздеу жолына «Шәйнек 1.7л» атауы енгізілген. Тізімде іздеуге сәйкес бір тауар қалды.
Мысалда тауарды «Шәйнек 1.7л» атауы арқылы іздейміз.

3. Демпингті қосыңыз

Тауар жолындағы «Дәмпинг» бағанының өшірулі қосқышын басыңыз. Бағаны баптау терезесі ашылады.

«Дәмпинг» бағанындағы өшірулі қосқыш көк жақтаумен белгіленген.
Белгіленген қосқышты басыңыз.

Қосқыш бұрыннан қосулы болса, бұл тауарда демпинг қосылған. Баға шектерін өзгерту үшін қасындағы «Мин» немесе «Макс» мәнін басыңыз.

4. Баға шектерін көрсетіңіз

«Мин. баға» өрісіне төменгі шекті енгізіңіз: Kaskyr бағаны одан төмен түсірмейді.

«Макс. баға» өрісіне бағаны көтеруге болатын жоғарғы шекті енгізіңіз.

Мысалы, төменгі шек 10 000 ₸, ал жоғарғы шек 12 000 ₸ болса, демпинг осы аралықта жұмыс істейді.

Маңызды: баптаулар тек таңдалған қалаға қолданылады.

Демпингті баптау терезесі: «Мин. баға» өрісіне 10000, «Макс. баға» өрісіне 12000 енгізілген. Төменде «Сақтау» батырмасы бар.
Белгіленген өрістерге өз баға шектеріңізді енгізіңіз.

5. Баптауларды сақтаңыз

«Сақтау» батырмасын басып, баптаулардың сақталғаны туралы хабарламаны күтіңіз.

Сақтағаннан кейін демпинг қосқышы жасыл түсті, қасында ең төменгі баға 10 000 және ең жоғарғы баға 12 000 көрсетілген.
Дайын: демпинг қосылды, баға шектері сақталды.

6. Жаңа баға мен орынды тексеріңіз

Өзгеріс Kaspi-де өңделгеннен кейін бетті жаңартыңыз. «Баға» және «Позиция» бағандарын тексеріңіз.

Бұл мысалда «Жұрттың магазины» тауарды 11 990 ₸, ал «Біздің магазин» 12 000 ₸ бағасымен сатты. Демпинг қадамы 1 ₸ болғандықтан, біздің баға 11 989 ₸-ге төмендеп, дүкен екінші орыннан бірінші орынға көтерілді.

Демпинг жұмысының нәтижесі: тауар бағасы 11 989 ₸, «Позиция» бағанында жасыл 1 / 2 көрсеткіші — екі сатушының арасында бірінші орын.
Мысалда позиция 2 / 2-ден 1 / 2-ге өзгерді — екі сатушының арасында бірінші орын.

Kaspi-дегі тауар бетінде бұл осылай көрінеді. Мысалда екі дүкеннің жеткізу шарттары бірдей. Сатушылар тізімінде «Біздің магазин» көк түспен белгіленген.

Kaspi-дегі «Шәйнек 1.7л» беті: баға өзгергенге дейін «Жұрттың магазины» 11 990 ₸ бағасымен бірінші орында. «Біздің магазин» 12 000 ₸ бағасымен екінші орында және көк түспен белгіленген.
Бұрын: «Жұрттың магазины» — 11 990 ₸. «Біздің магазин» 12 000 ₸ бағасымен екінші орында.
Kaspi-дегі «Шәйнек 1.7л» беті: баға өзгергеннен кейін «Біздің магазин» 11 989 ₸ бағасымен бірінші орынға көтерілді. Бағасы 11 990 ₸ болып қалған «Жұрттың магазины» екінші орынға түсті.
Кейін: «Біздің магазин» 11 989 ₸ бағасымен бірінші орында — «Жұрттың магазины» дүкенінен 1 ₸ арзан.

Қосылмаса не істеу керек?

  • Қосқыш қолжетімсіз: тауардың архивте емес екенін және «Баптаулар» → «Жалпы» → «Қауіпті аймақ» → «Дәмпинг» қосулы екенін тексеріңіз.
  • Форма сақталмайды: нөлден үлкен бағаларды енгізіңіз. «Мин. баға» «Макс. бағадан» кіші болуы керек.
  • Қате түсініксіз: техникалық көмек қызметіне дүкен атауын, артикулды және қате мәтінін жіберіңіз.